Ойрд ерөөсөө ажил бүтэхгүй байна, хэрэг алга аа. Хэнийх нь ямар тахил нь яаж буруу өрөгдөхөөрөө миний ажил ингээд бүтэхгүй байна аа. Ажил бүтэмж муутай, удаан байхаар стресст ороод хэрэг алга. Хэдийгээр бүх юм сайхан болно гээд яваад байгаа ч заримдаа энэ бодолдоо болоод өөртөө уур хүрэх юм. Яагаад ч тэгээд бодоод яваад байгаа юм, мэдэхгүй байж чи юу гэж ингээд бодоод яваад байгаа юм гэж өөртөө уурлах юм.
Хүмүүс сонин юм аа. Ажил даалгаад өгөхөөр за гэж хэлчихээд таг болчих юм. Тэгээд асуугаад утасдахаар утсаа авахгүй, гүрийчихнэ гэж байгаа. Харин өөр хүнээр залгуулахаар утсаа авч байгаа юм даа. Тэгээд яагаад ингэв гэхээр санаа зовоод гэсэн хариу өгнө. Утсаа аваад, амжихгүй байна аа, дахиад жаахан хугацаа өгчих гэж хэлж болно доо. Тэгэхгүй байгаад л уур хүрч байна. Давхар миний ажил, өөр хүмүүсийн ажлыг алж байгаа байхгүй юу. Учир нь би бурхан биш болохоор, бурхан ч байсан гэсэн миний ажил ямар нэгэн байдлаар дараагийн өөр хүний ажилтай холбогдож таарна. Тэр хүмүүсийн ажлыг алчихаж байгаа байхгүй юу. Хийнэ гэсэн хугацаандаа хийхгүй, удсан шалтгаанаа тайлбарлахгүй, үг дуугүй, таг чиг алга болчих юм. Үнэхээр уур хүрмээр. хүрмээр ч гэж, хүрч л байгаа юм л даа.
За за, өглөө ирэнгүүтээ баахан бухимдсан бодлоо илэрхийлээд биччихлээ. Та бүхнээс хүлцэл өчье. Гэхдээ л ингэж илэрхийлж, гадагшлуулж байж л тайвшрахгүй бол болохгүй нь.
Өнөөдөр Харагчин туулай сарын шинийн 10-ны өдөр. Үс авахуулах буюу засуулбаас эрч хүч ихэснэ. Иймээс эрч хүчтэй ажиллахын тулд өнөөдөр үсээ засуулна аа.
Та бүхэнд ажлын өндөр амжилт хүсье. Таны ирээдүй танаас л шалтгаална.
Subscribe to:
Post Comments (Atom)
No comments:
Post a Comment